မူလကသစ်ဝိုင် ဆရာတော်ကြီး ၏ ထေရုပ္ပတ္တိအကျဉ်း (၇)

သာသနာပြုခရီးစတင်ကြွခြင်း

ဆရာတော်ဘုရား သက်တော် (၄၅) သိက္ခာတော်(၂၅)ဝါမှစ၍ အခြားမြို့ရွာများသို့စတင်၍ သာသနာပြုခရီးကြွတော်မူခဲ့၏။ ပထမဆုံးတရားပြသော မြို့များမှာ ဥက္ကံ၊ မင်းရွာ၊ ကဝ၊ ဘုရားပျိုနှင့် ဘုရားကြီးတို့ဖြစ်ပါသည်။ ဆရာတော်ဘုရားထံသို့ တရားပြရန် ပင့်ဖိတ်မှုကြောင့် ကြွရောက်ခဲ့သော မြို့ရွာများမှာ ခရမ်း၊ သုံးခွ၊ ပဲနွယ်ကုန်း၊ ရန်ကုန်၊ ပဲခူး၊ သနပ်ပင်၊ မင်းရွာ၊ ဝေါ၊ ရွှေကျင်၊ ညောင်လေးပင်၊ ကျောက်တံခါး၊ ကျောက်ကြီး၊ ပိန်းဇလုပ်၊ တောင်ငူ၊ သာဝတ္ထိမြို့၊ စစ်တောင်း၊ မော်လမြိုင်၊ ကျိုက်ထို၊ မြိတ်၊ ဘုရားပျိုရွာ၊ ရွှေပေါက်ပင်ရွာ၊ သရပ်ကုန်းရွာ၊ အုန်းနှဲရွာ၊ တံတားရွာ၊ ဆယ်ရွာ၊ မြစ်ကျိုးရွာ၊ ညောင်ခါးရှည်ရွာ၊ ပန်းညိုရွာ၊ အုပ်ဖိုရွာ၊ ထိန်တပင်ရွာ၊ ဖိုးစပါယ်ရွာ၊ ပါတူကုန်းရွာ စသည်တို့ဖြစ်၏။ ဆရာတော်ဘုရားသည် အနှစ်နှစ်ဆယ်ပတ်လုံး နေ့ညဥ့်မပြတ် ဝိပဿနာဓူရ တရားပြလုပ်ငန်းကို အားကြိုးမာန်တတ် ဆောင်ရွက်တော်မူခဲ့၏။ တရားပြလုပ်ငန်းဆောင်ရွက်ရန် တရားရိပ်သာဌာနများကို ကြွရောက်ရာတွင် မထင်မရှားသာမန်ပုဂ္ဂိုလ်ကဲ့သို့သာ သွားလာလေ့ရှိသည်။ ကျော်စောမှုကို စိုးရွံ့တော်မူ၏၊ “မဟာ ပုညော မဟာဒုက္ခော” ဟူ၍ မိန့်ဆိုတတ်မူ၏။ ဆရာတော်ဘုရားသည် နယ်မြို့များတွင်တရားပြသဆုံးမချိန်ပိုများ၍ ဆရာတော်၏ ကသစ်ဝိုင် ဝိပဿနာလုပ်ငန်းစဉ်တရားများသည် နယ်သူနယ်သားများ နားလည်လွယ်စေရန် အထူးအဓိကထားတော်မူ၏။ စာချသံဃာဘဝတွင် နယ်သို့ပြန်၍ သာသနာပြု၏။ ပဋိပတ္တိလုပ်ငန်းစဉ်နှင့် သာသနာပြုရာတွင်လည်း တောသူတောင်သားများ၊ ကျေးလက်ဒေသများသို့သာ ဦးတည်လျှက် သာသနာပြုတော်မူခဲ့၏။ ဆရာတော်ဘုရား၏ သာသနာပြုရည်ရွယ်ချက်များသည် လေးနက်၏ များစွာအဓိပ္ပါယ်ရှိတော်မူ၏၊ အမြှော်အမြင်ရှိ၏၊ မေတ္တာ စေတနာများများဖြင့် စွမ်းနိုင်သမျှ သာသနာပြုခဲ့တော်မူ၏။ အလွန်ပင်ကြည်ညိုဖွယ်ကောင်းလှ၏။


ကိုယ်ကျိုးမငှဲ့သော ကျေးဇူးရှင်ဆရာတော်

ဆရာတော်ဘုရားသည် ခြေဆစ်နာဒူးနာသော မထနိုင်အောင် ဝေဒနာပြင်းထန်နေချိန်၌ ညောင် လေးပင်တရားပတ်ဖွင့်ချိန်ဖြစ်၏။ တပည့်အကြီးဆုံးဖြစ်သော အလွန်အားထားရသည့် မုက္ခမူ ဘုန်းတော်ကြီး ဦးအာစိဏ္ဏနှင့် တပည့်ငယ်များကို စေလွှတ်ခဲ့၏။ သို့သော် ဆရာတော် သည် ဆရာဝန်ကြီး ဦးမြတ်ကျော်နှင့်အတူ ညောင်လေးပင်သို့ကြွရောက်၍ ပလ္လင်ပေါ်သို့ မတက်နိုင် သော်လည်း တည်းကျောင်း၌ပင် ပက်လက်ကုလားထိုင်ပေါ်မှ သီတင်းသုံးရင်း အားပါးတရ တရားဓမ္မများကို ဟောကြားပေးခဲ့၏။ ဆရာတော်ဘုရားသည် တရားနိဂုံးဆုံးတိုင်း (မေတ္တာ စေတနာများများဖြင့် ဟောကြားလိုက်ရသော တရားတော်များကို) ဟူ၍ အမြဲပင်မိန့်ဆိုကာ စေတနာထက်သန်စွာဖြင့် ဟောကြားတော်မူလေ့ရှိ၏။ အထူးသဖြင့် ဆရာတော်တွင် သွေးတိုး၊ အဆစ်နာကျင်ခြင်း၊ လိပ်ခေါင်းရောဂါများသည် ပျံလွန်တော်မူသည်အထိ နှိပ်စက်မှုကို ပဓာန မထားဘဲ သည်းခံ၍ သာသနာပြုလုပ်ငန်းကို ထမ်းဆောင်သွားခဲ့၏။ ဆရာတော်ဘုရား သည် ဝိပဿနာ ကမ္မဋ္ဌာန်းတရားများနှင့် နှလုံးသွင်းကာ ပြင်းထန်သော ဝေဒနာများကို သည်းခံနိုင် ၏။ ဆရာတော်ဘုရားသည် မည်သည့်ကိစ္စမှာမဆို သည်းခံမှုကိုသာ လက်ကိုင် ထား၏။ သည်းခံမှုနှင့် ပတ်သက်၍ မည်သည့်ကိစ္စကိုမဆို မှားသည်ဖြစ်စေ၊ မှန်သည်ဖြစ်စေ သည်းခံကြ အရှုံးဘက်ကသာနေကြရန် အမြဲဆုံးမတော်မူလေ့ရှိ၏။ တရားပြ သွားရာနေရာ ဒေသတွင် ရာသီပူပြင်း၍ ဖုန်ထောင်းထောင်းထနေသော နေရာများကို လည်း ကြွရောက်ရ၏၊ သီတင်းသုံး သောနေရာများရှိ အခက်ခဲများကို သည်းခံတော်မူ၏။ ဆရာတော်သည် ပင်ပန်းဆင်းရဲမှု တို့ကို တရားနှလုံးသွင်း၍ သည်းခံ၏၊ သတ္တဝါများအတွက် ယောဂီများအတွက် သာသနာ အတွက် မလျော့သောလုံ့လ၊ ဇွဲ၊ ဝီရိယတို့နှင့် မေတ္တာ၊ ဂရုဏာ၊ စေတနာထားကာ ဆောင်ရွက် တော်မူခဲ့၏။ ဆရာတော်ဘုရားမိန့်ဆိုလေ့ရှိတတ်သည်မှာ
“သာသနာ့အလုပ် ငါ့အလုပ်၊ သာသနာ့တာဝန်သည် ငါ့တာဝန်၊ သာသနာ့ကိစ္စသည် ငါ့ကိစ္စ၊ သာသနာတော်နှင့် စပ်သမျှ လိုတာ ငါ့တာဝန်” ။

မူလကသစ်ဝိုင် ဆရာတော်ကြီး ၏ ထေရုပ္ပတ္တိအကျဉ်း (၆)

ပဋိပတ္တိကာလ

ဆရာတော်စတင် တရားပြချိန်တွင် အသံချဲ့ စက်မပါ နေပူပူ၌ ကိုယ်တော်တရားဟောရ၏။ နေ့စဉ် မနက်ပိုင်းတွင် (၂)နာရီကျော်တရားဟောရ၏။ တဖန် ညနေပိုင်းတွင် (၃)နာရီကျော်
ဟောရပြန်၏။ နေ့လည်ကြားချိန်နှင့် ညပိုင်းတို့တွင် ယောဂီများလျှင် များသလို ကိုယ်တိုင် တရားစစ်ရ၏။ တစ်နေ့နှင့်မပြီးပြတ်သောအခါလည်းရှိ၏။ အကူတပည့်များ မရှိသေးသဖြင့် တစ်ပါးတည်းပင် ကိစ္စအားလုံးကိုဆောင်ရွက်ရလေ၏။

ထိုအချိန်က ကသစ်ဝိုင်ကျောင်းတိုက်ကြီး၏ အခြေအနေ

ကျောင်းဝိုင်းသည် ခန့်မှန်းခြေတစ်ဧကမျှကျယ်ဝန်း၍ အဆောက်အဦးများမှာ လေးပင်သစ်သား ကျောင်းနှစ်လုံး၊ အိုမင်းလှသော ဓမ္မာရုံ၊ ဗုံးမှန်၍ပျက်စီးနေသော သိမ်အဆောက်အဦးပျက်လေး တစ်လုံးနှင့် သုံးပင်ပတ်လည် သက်ငယ်မိုးထားသော ဆွမ်းစားဇရပ်လေးတစ်လုံးသာရှိ၏။ ဆွမ်းစားဇရပ်လေးသည် ကျောင်းရှိသံဃာများနှင့်ပင် ပြည့်နေ၏။ တရားဝင်သောယောဂီများအတွက် ထမင်းဟင်းမကျွေးမွေးလောက်သည့်အပြင် နေထိုင်ရန်ကျောင်း အဖြစ် သိမ်နှင့်ဓမ္မာရုံပျက်များ သာရှိ၏။ နေရာမရသော ယောဂီများသည် မြေကြီးများပေါ်၌ ကန့်လန့်ကာများ ကာ၍ ချို့တဲ့ စွာနေထိုင်ကြရ၏။ တစ်နှစ်ထက်တစ်နှစ် အထွက်တရားဟော မည့်နေ့ညနေချိန်တွင် တရားနာ လာကြသော ယောဂီပရိသတ်နှင့် လူပရိသတ်တို့သည်ပြည့်နှက် စည်ကားလာ၏။

သာသနာပြုရဟန်းဒါယကာ ဒါယိကာမများ

ထိုအရေးကို ဆရာတော်၏ ရဟန်းဒါယကာ ဒါယိကာမများဖြစ်သော ဘုရားပျိုရွာဇာတိဖြစ်၍ ပဲခူးမြို့၊ ကျုံးရိုးတန်းနေ ဦးမောင်ကြွယ်၊ ဒေါ်မြညွှန့်တို့က စေတနာဖြင့် ကျောင်း၏မြောက် ဘက်တွင် သောက်ရေကန်ကြီးတစ်ခု တူး၍လည်းကောင်း၊ ဆွမ်းစားကျောင်းကို အသစ်ပြင် ဆောက်၍လည်းကောင်း၊ ကမ္မဋ္ဌာန်းကျောင်းလေးလုံးကိုပါ ဆောက်လုပ်လှူဒါန်းခဲ့၏။ နောက် ပိုင်းတွင် ဒါယကာကြီး ဦးမောင်ကြွယ်ဦးစီးသော ဒကာဒကာမများက ဓမ္မာရုံဟောင်းကို အများ စုပေါင်း၍ဆောက်လုပ်လှူဒါန်းခဲ့ကြ၏။ ထိုမှတဖန် အဗျားအလယ်စုရွာနေ ဦးဘညွှန့်နှင့် ဇနီး ဒေါ်စိန်ညွှန့်၊ ဦးရွှေအေး၊ ဒေါ်ငွေရှင်မိသားစုတို့က ကျောင်းဝိုင်းကို အရှေ့ဘက်သို့ ချဲ့နိုင် ရန် လှူဒါန်းခဲ့၏။ ဆရာတော်ဘုရားသီတင်းသုံးရန်အတွက် ငွေကျပ် (၆၈၀ဝ၀)ဖြင့် ကျောင်းတိုက် ကို ဆောက်လုပ်လှူဒါန်းသော ဒါယိကာမသည် ညောင်လေးပင်မြို့နေ မချိုချိုဖြစ်၏။ စေတနာရှင်သည် ကျောင်းတိုက်အပြင် ကျောင်းတိုက်အတွင်း လိုအပ်သော ပရိဘောဂမှန်သမျှ အားလုံးကိုပါ လှူဒါန်းခဲ့၏။ စေတနာရှင်မချိုချိုသည် ဆရာတော်ဘုရားအား သိမ်ထပ်ခြင်းဖြင့် ရဟန်းအမအဖြစ်ခံယူပြီး ပစ္စည်းလေးပါးဖြင့် လိုလေသေးမရှိအောင် ထောက်ပံ့လှူဒါန်း၏။ ထိုသို့ စေတနာရှင်များက လှူဒါန်းကြသောကြောင့် ဆရာတော်ပျံလွန်တော်မူချိန်တွင် (၁၂) ဧက ကျယ်ဝန်းသောမြေနှင့် အဆောက်အဦးပေါင်းလေးဆယ်ကျော်၊ စောင်းတန်းကြီးငယ် အသွယ်သွယ်တို့ဖြင့် ပဋိပတ္တိ ဗဟိုဌာန ကသစ်ဝိုင်ကမ္မဋ္ဌာန်းတိုက်ကြီးအဖြစ် သာသနာ့အလယ် တွင် တင့်တယ်စွာထွန်းကားခဲ့ပါ၏။

မူလကသစ်ဝိုင် ဆရာတော်ကြီး ၏ ထေရုပ္ပတ္တိအကျဉ်း (၅)

ပဋိယတ္တိမှ ပဋိပတ္တိသို့

ဒုတိယကမ္ဘာစစ်ဗုန်းဒဏ်ကြောင့် ကျောင်းတိုက်ကြီးပျက်စီးကာ ဒုတိယကမ္ဘာစစ်ကြီးဖြစ်ချိန်တွင် ဆရာရင်းမှာလည်း ပျံလွန်တော်မူလေသည်။ ဆရာတော်ဘုရားသည် ရှေးရှေးဘဝကဖြည့်ကျင့် ခဲ့သော ပါရမီအဟုန်တို့ကြောင့် သပိတ်တစ်လုံး၊ သုံးထည်သောသင်္ကန်းဖြင့် ဖက္ကလိပ်ကျောင်း သို့ မထင်မရှားကြွရောက်၍ တစ်နှစ်ပတ်လုံး နေ့ရောညရောပါ ကိုယ်တွေ့ဉာဏ်မြင် ဆင်ခြင်ရှု မှတ် ဝိပဿနာတရားတော်မြတ်ကို အမှန်တကယ်ပေါက်မြောက်အောင် ပြင်းပြင်းထန်ထန် မနားမနေ ကြိုးစားအားထုတ်ခဲ့၏။ ထိုသို့ ဖက္ကလိပ်ကျောင်းတွင် ပလိဗောဓ ကင်းကင်းနှင့် တစ်ဝါတွင်းလုံး ဝိပဿနာဓူရ ပဋိပတ္တိလုပ်ငန်းများကို ကျေနပ်လောက်သော တရားဓမ္မတို့ကို ရရှိခံစားရချိန်တွင် သဒ္ဒါတရားတစ်မျိုးဖြစ်ပွါးလာခဲ့၏။ ထိုသဒ္ဒါတရားမှာ မိမိကိုယ်တိုင်တရား အားထုတ်၍ ရထားသော ဝိပဿနာ ကိုယ်တွေ့ ဉာဏ်မြင် တရားဓမ္မတို့ကို လူအများတို့အား အားထုတ်စေချင်သော စိတ်အကြံဖြစ်ပေါ်ခဲ့၏။ တရား၏ အနှစ်သာရကို ခံစားစေလို၏၊ ငြိမ်း အေးစေလို၏။ ထို့ကြောင့် ဟင်းကောင်း (အရသာကောင်း)တစ်ခုကို စားသုံးရလျှင် ကိုယ်နှင့် ရင်းနှီးသောသူများကို အရင်ဆုံးသတိရသကဲ့သို့ ကိုယ်တိုင်သိမြင်ခဲ့ပြီးသော တရားဓမ္မတို့ကို မိမိကဲ့သို့သိမြင်စေရန် ကျေးဇူးရှင် အဘိုးဝမ်းကွဲ ဦးဘိုးမြနှင့် မယ်တော်၊ ခမည်းတော်တို့ကို တရားအားထုတ်စေလိုသော သမ္မာ ဆန္ဒစေတနာတို့ကြောင့် အဗျားအလယ်စုရွာအနီး ကသစ်ဝိုင် ကျောင်းတိုက်ကြီးသို့ ပြန်ကြွခဲ့၏။ ထိုချိန်တွင် ကသစ်ဝိုင်ကျောင်းတိုက်ကြီး၏ တတိယမြောက် ဆရာတော်ဦးကုဏ္ဍလ ပျံလွန်တော်မူပြီးဖြစ်၍ ကျောင်းတိုက်ကြီး၌ သံဃာတော်များ ကင်းမဲ့နေ ချိန်တွင် အဘိုးဦးဘိုးမြစသော ကျောင်းဒါယကာ၊ ဒါယိကာမ အများတစ်စုတို့မှ ကသစ်ဝိုင် ကျောင်းတိုက်ကြီး၌ပင် သီတင်းသုံး၍ တရားပြတော်မူပါရန် ပင့်လျှောက်ကြ၏။ ထိုသို့ တရား ပြသရင်း တရားအားထုတ်သော ယောဂီများ အဆက်မပြတ်များလာရာမှ အစပြုကာ “ကသစ်ဝိုင်ဆရာတော်” ဟု အမည်ဖြင့်ထင်ရှားလာခဲ့ပြီး ကသစ်ဝိုင်ကျောင်းတိုက်ကြီးကို ဗဟိုပြု၍ မြန်မာပြည်အနှံ့ရှိ ဝေနေယျသတ္တဝါအများတို့အား တရားပြသတော်မူခဲ့လေသည်။

တရားရေအေးတိုက်ကျွေးခြင်း

ဆရာတော်ဘုရားကြီး၏ တရားနာပရိသတ်မှာလည်း တရားနာယောဂီများနှင့် သာမန်တရားနာ ပုဂ္ဂိုလ်များသာမဟုတ်ဘဲ ပဋိပတ္တိနည်းကို ကျကျနန စီးဝါးတကျ ကျမ်းဂန်နှင့်အညီ မှတ်ယူ လိုကြသော နယဂဝေသီဓမ္မာစရိယနှင့် ပါရဂူအရှင်မြတ်များပင် နာကြားကာ၊ ရေးမှတ်ကာဖြင့် မပျောက်မပျက်ရလေအောင် သိုမှီးသိမ်းဆည်းကြပေသည်၊ ဟောပြောသည့်အခါမှာလည်း ဉာဏ်လေးသူ စာမတတ်သူများပင် နားလည်လွယ်အောင်ဟောပြောနိုင်စွမ်းရှိသည့်ပြင် အချို့ နေရာများ၌ လင်္ကာများ စီကုံးရွတ်ဆိုလျှက် “ရအောင် လုပ်ကြ၊ ရအောင် လုပ်ထားကြ” လို့လည်း မကြာမကြာမှာတော်မူလေ့ရှိပေသည်၊ လေးလေးနှင့် မှန်မှန်တည်ငြိမ်စွာ ဟောပြော တော်မူသဖြင့် မပျောက်ပျက်ရအောင် ဆောင်ထားလို ရေးမှတ်လိုကြသော ပုဂ္ဂိုလ်များမှာ အဖိုး တန်၍ ရနိုင်ခဲ့သော လာဘ်ကြီးတစ်ခုပင် ဖြစ်ပြန်တော့သည်၊ အရေးကြီးသောနေရာများ၌ ပါဋ္ဌိတော် အဋ္ဌကထာနှင့် ဆိုင်ရာဋီကာများ ကိုးကားလျှက် နာကြားသူတို့၏နှလုံးထဲမှာ စွဲမြဲ သွားအောင် ဟောကြားတော်မူခဲ့၏။ ဆယ်ရက်စဉ်တရားပတ် ဟောပြောပြသရာ၌ သတိပဋ္ဌာန် တရား (၄)ပါးလုံး ပါဝင်သော်လည်း ကာယာနုပဿနာသတိပဋ္ဌာန် ဓာတုမနသီကာရပဗ္ဗ ဝိပဿနာယာနိကလမ်းဖြင့် နံနက်နှင့် ညပိုင်းတို့တွင် အလုပ်ပေးတရား၊ ဉာဏ်စဉ်တရားတို့ကို တိကျရှင်းလင်း သဘောပေါက်နားလည်လွယ်အောင် ညွှန်ပြဆုံးမတော်မူခဲ့၏။ သင်သိဝိပဿနာခဏ်း(အားထုတ်ပုံအားထုတ်နည်း)တွင် တရားအားထုတ်ရာ၌ အခက် အခဲမရှိ သဒ္ဒါတရားတက်လာစေရန် ဟောကြားထားတော်မူ၏။ ကျေးဇူးရှင်ဆရာတော်ဘုရားကြီးသည် ကျမ်းဂန်ထွေထူး၊ သင်ဘူး၊ မသင်ဘူးကြသော သဒ္ဓါ ပသန္န သမ္မာဆန္ဒ စိတ်ကောင်း စိတ်မြတ် ရှိကြသူ ရဟန်းရှင်လူ အများပြည်သူတို့အား သိမ်မွေ့ နက်နဲ သိမြင်နိုင်ခဲသော ရုပ်နာမ် ဓမ္မ သဘာဝ တို့ကို သိမြင်နိုင်အောင်ပေါ်လွင် ထင်ရှားသော စကားအသုံးအနှုန်းတို့ဖြင့် တန်ဆာ ဆင်လျှက် “ကိုယ်တွေ့ဉာဏ်မြင် ဝိပဿနာ လုပ်ငန်းစဉ်” တရားများကို စာပေကျမ်းဂန်တတ်သူက တခြား၊ သဘော အဟုတ်အမှန်တွေကို စာပေကျမ်းဂန် တတ်သူက တစ်ဖြာ၊ ကိစ္စပြီးအောင် ကျင့်ကြံအားထုတ်သူက တစ်နည်း၊ အသီးသီးကွဲပြား အောင် တဏှာ၊ မာန၊ ဒိဋ္ဌိဆိုတဲ့အယုတ်တရားတွေကို လက်တွေ့ဖြုတ်ပုံ၊ ဖျက်ပုံ တို့ နှင့်တကွ ပညတ်သိ၊ ပရမတ်သိ၊ အမှန်သိပုံတွေကို လုပ်ငန်းဆိုင်ရာ ကျမ်းအဖြာဖြာတို့ဖြင့် ဥပမာပုံ အမျိုးမျိုးပြ၍ ကိုယ်တော်တိုင် ဟောကြားပြသဆိုဆုံးမတော်မူခဲ့လေသည်။ နားမလည်သူများ ရှိပါကလည်း တစ်ဦးချင်းခေါ်၍ စိတ်ရှည်စွာဖြင့် တိုတိုကျဉ်းကျဉ်းလိုရင်းကို နားလည်လွယ် အောင်လည်း ဟောဖေါ်ညွှန်ပြဆုံးမပေးတော်မူခဲ့၏။ တရားအားထုတ်သူယောဂီများကို အတိုဆုံးသော အချိန်အတွင်း အလွယ်ဆုံးသောနည်းဖြင့် နည်းနိဿယအဝ၀တို့ကို သိရှိနားလည်၍ တရားကို သိရှိပြီး၊ မြင်စေလိုခြင်းသည် အဓိကလိုရင်းဖြစ်၏။

ဆရာတော် ဦးပဒုမ၏ ဈာပနဓါတ်ပုံများ

ရရှိထားသော ဆရာတော် ဦးပဒုမ ၏ ဈာပနဓါတ်ပုံများထဲမှ အချို့ ကို ဓမ္မမိတ်ဆွေများ အတွက် တင်ပေးလိုက်ပါတယ်ခင်ဗျား။

မူလကသစ်ဝိုင် ဆရာတော်ကြီး ၏ ထေရုပ္ပတ္တိအကျဉ်း (၄)

စာချရဟန်းတော်အရှင်ရေဝတ

ဤသို့ ပါဋ္ဌိတော်၊ အဋ္ဌကထာ၊ ဋီကာ မှစ၍ ပိဋကတ်ကျမ်းစာများကို ကျေနပ်အားရစွာ သင်ကြားတတ်မြောက်ပြီဖြစ်၍ စာချခြင်း၊ စာသင်ကြားပေးခြင်း အလုပ်ဖြင့် သိက္ခာ (၇)-ဝါအရတွင် ဝေါမြို့အနီး ကျုံတူကျောင်းတိုက်ကြီး၌ (၃)နှစ်တိုင်တိုင် (၇-ဝါ မှ ၁၀-ဝါ) စာပို့ချပြန်၏။ ကျုံတူကျောင်းတိုက်ကြီးသည် စာသင်သား (၆၀)ခန့် တို့ဖြင့် နေ့ည မပြတ် စာသင်သားသံဃာတို့၏ ရွတ်ဖတ်သရဇ္ဈယ်သံတို့ဖြင့် ကြည်ညိုဖွယ်ကောင်းလှ၏။ ဆရာတော်သည် မန္တလေးမြို့မှ ပဲခူးတိုင်း၊ ဝေါမြို့ ကျုံတူစာသင်တိုက်တွင် စာပို့ချခြင်း၏ ရည်ရွယ်ချက်မှာ မန္တလေးမြို့၌ ရာထောင်မက များပြားလှသော စာတတ်အကျော်အမော်များ၍အထူးလိုအပ်ဖွယ် မရှိသည်ဖြစ်ခြင်းကြောင့်လည်းကောင်း၊ မိမိ၏ဇာတိစာသင်တိုက်ကို အားပေး လိုသောကြောင့်လည်းကောင်း၊ မိဘနှင့် ဆရာသမားများကို အနီးကပ်စောင့်ရှောက်နိုင်ခြင်းဖြင့် ဝမ်းမြောက်ဝမ်းသာဖြစ်စေလိုသော အကြောင်းများကြောင့်ဖြစ်၏။ ထိုအချိန်မှစ၍ ရဟန်းတော် ဦးရေဝတသည် စာသင်သားတို့၏ အထူးရိုသေလေးစားအားထားခြင်းကို ခံရ၏။ သုံးနှစ်တိုင်တိုင် ကျေးဇူးရှင် ကျုံတူဆရာတော်ကြီးကို ကူညီကာ စာပို့ချခြင်းဖြင့် သာသနာ့တာဝန်ကို ထမ်းဆောင်ပြီးနောက် ပြည်မြို့၊ တက္ကသိုလ်ကျောင်းတိုက်၌ (၂)နှစ် စာပို့ချပြန်၏။ ထို့နောက် (၁၂)-ဝါ အရတွင် အဗျားအထက်စုရွာ မူလဥပဇ္ဈယ်ဆရာ ဆရာတော်ဦးကလျာဏသည် အသက်သိက္ခာ အတော်ကြီးရင့်လာပြီ ဖြစ်သဖြင့် ကျောင်းတိုက်တာဝန်များနှင့် သာသနာဝန်များကို ယုံကြည်စိတ်ချ အားကိုးရသော တပည့်ရဟန်းတော် ဦးရေဝတကို ပြည်မြို့မှ ပြန်ခေါ်၍ အထက်စုအဗျားရွာ ကျောင်းကို အပိုင်အပ်နှံပြီး စာပေပို့ချခိုင်း၏။ ထိုကျောင်းတွင် (၁၀) နှစ်တိုင်တိုင် (၂၂-ဝါ တိုင်အောင်) နေ့ဝါညဝါများကို ကြိုးစားကာ စာပေပို့ချလျှက် သာသနာ့တာဝန်ထမ်းဆောင်၏။

စာချပုံမှာနည်းယူစရာ

ကျေးဇူးရှင်ဆရာတော်ဘုရားကြီးသည် စာပေပို့ချရာတွင် ဥာဏ်လေးသူကို စိတ်အားမပျက်စေရန်နှင့် ဥာဏ်ထက်သူပါ နားလည်လွယ်စေရန် နှစ်ဦးနှစ်ဖက်အတွက်ရည်ရွယ်၍ စာလိုက်နိုင်ရန်၊ စိတ်ဝင်စားနိုင်စေရန် ပို့ချတော်မူလေ့ရှိ၏။ စာသင်သားတို့ အားငယ်စေမည့် ခြောက်လုံး လှန့်လုံးများနှင့် ဟိတ်ဟန်သုံးမှုများကို ရှောင်ရှားကာ သဘောမှန်အတိုင်း ရိုးသားတည်ငြိမ်စွာ အလွယ်အခက်တို့ကိုကြည့်၍ စာသင်သားတို့ အားတက်မှုရှိအောင် ဆွဲဆောင်ပို့ချတော်မူခဲ့၏။ နည်းလမ်းပေးရာတွင်လည်း ဆရာစားမချန် အိပ်သွန်ဖါမှောက် နည်းပေးတော်မူ၏။ ထို့ပြင် စာသင်သားမျာကို စာချနေချိန်တွင် မိမိကိုယ်ကို နာမ်စားသုံးရာတွင် “တပည့်တော်” ဟူ၍သာ ရိုးရှင်းယဉ်ကျေးစွာ မိန့်တော်မူလေ့ရှိ၏။ ဆရာတော်သည် စာပေပို့ချရာ၌ စာမေးပွဲဆိုင်ရာ စာပေသင်ကြားပို့ချနည်းကို အဓိကထားတော်မမူ ရှေးဆရာ့ဆရာကြီးများ သင်ကြားပို့ချနည်း အတိုင်း ဆိုင်ရာသုတ္တန်ဝိနည်း အဘိဓမ္မာကျမ်းစာများကို သင့်သလိုပို့ချတော်မူလေ့ရှိ၏။ သင်္ဂြိုလ်၊ သဒ္ဒါ၊ ညဝါ-အခြေစာတို့ကို စာသင်သားတို့ တတ်လွယ်အောင် နည်းပေးအလွန် ကောင်းသော ဆရာတော်တစ်ပါးဖြစ်၏။

အရှင်တိက္ခဥာဏ (ပဋိယတ္တိပထမကျော်နှင့် အစိုးရဓမ္မာစရိယ-ကသစ်ဝိုင်ဓမ္မရိပ်သာ)

၂၈-ဇန္နဝါရီ-၁၉၆၆ ရေးသားသော ဂုဏ်ပုဒ်ရစနာများ မှ ကောက်နှတ်ချက်

ပညာစုံလို့ ရွှေမြို့ကိုနော်၊ ရှင်လူအကျိုး သည်ပိုးဘို့မျှော်၊

အဗျားရွာ၌ နှစ်ခြိုက်ရွှင်ပျော်၊ အတုလ ဂုဏမြတ်ဘုန်းမော်။

ခုနှစ်ဝါမြောက် လွန်ရောက်သောခါ၊ ဝိပဿနာများ ဝင်စားစိတ်မှာ၊

ညောင်လွန့်တောရ ကြွရလို့သာ၊ နည်းနာများ မှတ်သားခဲ့ပေရှာ။

အစဦးမှ ဒုက္ခများစွာ၊ တွေ့ကြုံစမြဲ မလွဲခဲ့ပါ၊

ဒုက္ခရှေ့မှ သုခခြံကာ၊ တနေ့တော့ ရောက်ပေါ့မြန်မကြာ။

အထက်ပါစာချိုးသည် ကျေးဇူးရှင်မူလဆရာတော်ဘုရားကြီး ပျံလွန်တော်မူချိန်တွင် ရေးသား တော်မူခဲ့သော စာဖြစ်၏။ ထိုစာမှာ မှတ်တမ်းအရ ကျေးဇူးရှင် မူလကသစ်ဝိုင် ဆရာတော် ဘုရားသည် စာပေပို့ချ နေချိန်တွင်ပင် ဝိပဿနာတရားကို စတင်အားထုတ်နေပြီဖြစ်ကြောင်း သိရ၏။